ஆஸ்கர் அங்கீகாரம் பெற்ற இந்தியாவின் ஒரே குறும்பட விழாவில் Producer Bazaar-ன் டிஸ்கவரி ஃபிலிம் மார்க்கெட் அறிமுகம்

இந்திய திரைப்பட மற்றும் பொழுதுபோக்கு துறையில் உள்ளடக்கங்களை வணிகமயமாக்கும் நோக்கில், Producer Bazaar முன்னெடுக்கும் Discovery Film Market (DFM), ஆஸ்கர் அங்கீகாரம் பெற்ற இந்தியாவின் ஒரே குறும்பட விழாவான 16வது பெங்களூரு சர்வதேச குறும்பட விழா (BISFF)-வின் முக்கிய அங்கமாக இந்த ஆண்டு அறிமுகமாகிறது. படைப்பாளிகள், தயாரிப்பாளர்கள், முதலீட்டாளர்கள், OTT தளங்கள், விநியோகஸ்தர்கள் மற்றும் உள்ளடக்க வாங்குபவர்களை ஒரே தொழில்முறை வணிகச் சூழலில் இணைக்கும் தேசிய அளவிலான B2B திரைப்பட சந்தையாக இது உருவாகியுள்ளது.

BISFF மேடையில் Producer Bazaar-ன் தேசிய முன்னெடுப்பு:

- Advertisement -

ஆகஸ்ட் 15 மற்றும் 16 (சனி & ஞாயிறு) ஆகிய தேதிகளில் நடைபெறும் 16வது பெங்களூரு சர்வதேச குறும்பட விழா நிகழ்வின் ஒரு பகுதியாக நடைபெறும் Producer Bazaar Discovery Film Market, இந்திய திரைப்படத் துறையின் படைப்பாற்றலுக்கும் வணிகத்திற்கும் இடையிலான இடைவெளியை நிரப்பும் முக்கிய தளமாக அமையும். நாட்டின் பல்வேறு மாநிலங்களில் இருந்து திரைப்படத் துறையின் முன்னணி நிறுவனங்கள், படைப்பாளிகள் மற்றும் முடிவெடுக்கும் நிர்வாகிகளை ஒரே மேடையில் சந்திக்கும் வாய்ப்பை இந்த சந்தை வழங்குகிறது.

“இந்தியாவின் உள்ளடக்க பொருளாதாரத்தை வலுப்படுத்தும் ஆண்டு முழுவதும் செயல்படும் சந்தையை உருவாக்குவதே எங்கள் இலக்கு” – ஜி.கே. திருநாவுக்கரசு, CEO & Founder – ProducerBazaar
இந்த முயற்சி குறித்து Producer Bazaar நிறுவனர் மற்றும் தலைமை செயல் அதிகாரி ஜி.கே. திருநாவுக்கரசு கூறுகையில்,
“இந்தியாவில் ஆண்டுதோறும் சுமார் 2,500 திரைப்படங்கள் உருவாகின்றன. ஆனால், திரைப்படங்களுக்கான தொழில்முறை Film Market-கள் ஆண்டுக்கு ஐந்து அல்லது ஆறு மட்டுமே நடைபெறுகின்றன. இந்த இடைவெளியை நிரப்புவதற்காகவே Producer Bazaar Discovery Film Market உருவாக்கப்பட்டுள்ளது.
இந்தியாவில் உலகத் தரமான கதைகளும் திறமையான படைப்பாளிகளும் ஏராளமாக இருந்தாலும், அவர்களுக்கு சரியான முதலீட்டாளர்கள், வாங்குபவர்கள், உரிமம் வழங்கும் நிறுவனங்கள் மற்றும் விநியோக வாய்ப்புகளை அடைவது இன்னும் சவாலாகவே உள்ளது.

Producer Bazaar மூலம், படைப்பாளிகள், தயாரிப்பாளர்கள், OTT தளங்கள், முதலீட்டாளர்கள் மற்றும் உள்ளடக்க வாங்குபவர்கள் நேரடியாக இணையும் தொழில்முறை B2B சந்தையை உருவாக்குகிறோம். தரமான உள்ளடக்கங்கள் வணிக ரீதியாக வெற்றி பெறுவதோடு, அர்த்தமுள்ள கூட்டாண்மைகளும் உருவாகும். இந்தியாவின் Content Economy-ஐ வலுப்படுத்தும், ஆண்டு முழுவதும் செயல்படும் Content Marketplace-ஆக Discovery Film Market-ஐ வளர்ப்பதே எங்கள் நோக்கம்.”
என்றார்.

Producer Bazaar மூலம் படைப்புகள் நேரடியாக சந்தையை அடையும் வாய்ப்பு:

Producer Bazaar உருவாக்கியுள்ள இந்த தொழில்முறை சந்தையில், இந்தியாவின் முன்னணி OTT தளங்கள், தொலைக்காட்சி நிறுவனங்கள், ஸ்டுடியோக்கள், தயாரிப்பாளர்கள், விநியோகஸ்தர்கள், முதலீட்டாளர்கள் மற்றும் உள்ளடக்க வாங்குபவர்கள் பங்கேற்க உள்ளனர். திரைப்பட இயக்குநர்கள், எழுத்தாளர்கள் மற்றும் உள்ளடக்க உருவாக்குநர்கள் தங்களது படைப்புகளை நேரடியாக தொழில்துறை முடிவெடுப்பாளர்களிடம் அறிமுகப்படுத்தி, புதிய வணிக வாய்ப்புகளையும் கூட்டாண்மைகளையும் உருவாக்கிக் கொள்ள முடியும்.
Pitch to Deal, Buyer–Seller Market, Script Room – ஒரே மேடையில் முழுமையான திரைப்பட வணிக அனுபவம்
Discovery Film Market மூன்று முக்கிய அம்சங்களை மையமாகக் கொண்டு வடிவமைக்கப்பட்டுள்ளது.
Pitch to Deal – தயாரிப்பாளர்கள், முதலீட்டாளர்கள் மற்றும் ஸ்டுடியோக்களிடம் நேரடி Pitch.
Buyer–Seller Market – உள்ளடக்க உரிமைகள், விநியோகம் மற்றும் காப்புரிமை தொடர்பான தொழில்முறை சந்திப்புகள்.
Script Room – நிபுணர்களின் திரைக்கதை மதிப்பீடு மற்றும் தொழில்முறை ஆலோசனைகள்.
இதன் மூலம் நிதி திரட்டுதல், கூட்டுத் தயாரிப்பு, விநியோக ஒப்பந்தங்கள், Content Licensing மற்றும் வணிக ரீதியாக வெற்றி பெறக்கூடிய புதிய அறிவுசார் சொத்துகளை (IP) உருவாக்குவதற்கான வாய்ப்புகள் உருவாகின்றன.

திரைப்படத் துறையின் அனைத்து பிரிவினருக்கும் திறந்த தேசிய சந்தை:

Producer Bazaar Discovery Film Market திரைப்பட தயாரிப்பாளர்கள், இயக்குநர்கள், தயாரிப்பு நிறுவனங்கள், OTT தளங்கள், தொலைக்காட்சி குழுமங்கள், ஒளிபரப்பாளர்கள், விநியோகஸ்தர்கள், முதலீட்டாளர்கள், ஸ்டுடியோக்கள், முகவர்கள், அனிமேஷன் மற்றும் VFX நிறுவனங்கள், கேமிங் மற்றும் Interactive Content நிறுவனங்கள், திரைக்கதை ஆசிரியர்கள், இசை மற்றும் அறிவுசார் சொத்து உரிமையாளர்கள் உள்ளிட்ட பொழுதுபோக்கு துறையின் அனைத்து பிரிவினருக்கும் திறந்த தளமாக செயல்படுகிறது.
கருத்து மட்டத்தில் இருக்கும் படைப்புகள் முதல் வெளியீட்டுக்குத் தயாராக இருக்கும் திரைப்படங்கள் வரை, சரியான தயாரிப்பாளர்கள், முதலீட்டாளர்கள் மற்றும் வாங்குபவர்களை நேரடியாகச் சந்திக்கும் வாய்ப்பை இந்த சந்தை உருவாக்குகிறது.

Producer Bazaar தளத்தில் பதிவு செய்து தொழில்துறை தலைவர்களைச் சந்திக்கும் வாய்ப்பு:

பங்கேற்பாளர்கள் dfm.producerbazaar.com/ என்ற இணையதளத்தில் பதிவு செய்து, தங்களது கதைச் சுருக்கம், Trailer, Pitch Deck, உரிமை விவரங்கள் உள்ளிட்ட தகவல்களை பதிவேற்றலாம். அதன் மூலம் தயாரிப்பாளர்கள், முதலீட்டாளர்கள் மற்றும் Content Buyers உடனான திட்டமிடப்பட்ட B2B சந்திப்புகளில் பங்கேற்று, கூட்டுத் தயாரிப்பு, முதலீடு மற்றும் Content Licensing தொடர்பான பேச்சுவார்த்தைகளை முன்னெடுக்க முடியும்.

Producer Bazaar – இந்திய திரைப்பட வணிகத்திற்கான தொழில்நுட்ப இயக்கம்
Fipchain Technology Pvt. Ltd. நிறுவனத்தின் முன்னணி தளமான Producer Bazaar, இந்திய திரைப்படத் துறையை தொழில்நுட்பத்தின் மூலம் மேலும் ஒழுங்குபடுத்தவும், வெளிப்படைத்தன்மையுடனும் வணிக ரீதியாகவும் வலுப்படுத்தும் நோக்கில் பல்வேறு புதுமையான முயற்சிகளை மேற்கொண்டு வருகிறது.

அதன் தொடர்ச்சியாக, Producer Bazaar Discovery Film Market-ஐ பெங்களூரு சர்வதேச குறும்பட விழா மேடையில் அறிமுகப்படுத்துவதன் மூலம், இந்திய உள்ளடக்கங்களை தேசிய மற்றும் சர்வதேச சந்தைகளுடன் இணைக்கும் வலுவான B2B Content Marketplace-ஐ உருவாக்கும் புதிய அத்தியாயத்தை நிறுவனம் தொடங்கியுள்ளது. இதனையடுத்து, ProducerBazaar, ICMEG-இன் Media & Entertainment IP Summit 2026-இல் இணைந்து, ஊடகம் மற்றும் பொழுதுபோக்கு துறையின் அடுத்த கட்ட வளர்ச்சிப் பயணத்தின் ஒரு பகுதியாக, 2026 நவம்பர் 27–28 தேதிகளில் ஹைதராபாத்தில் நடைபெறவிருக்கும் இந்த முக்கிய நிகழ்வில் பங்கேற்கிறது.